पंढरीची वारी

गेल्या काही वर्षांपर्यंत दर आषाढी कार्तिकी एकादशीला दूरदर्शन वर ‘पंढरीची वारी’ हा चित्रपट आवर्जुन दाखविला जायचा. 'धरिला पंढरीचा चोर' आणि 'अवघी विठाई माझी' ही त्यातील गाणी अजुनही लोकप्रिय आहेत. या चित्रपटात विठुमाऊलीची भुमिका करणारा बाल कलाकार होता 'बकुळ कवठेकर'. चित्रपट जर तुम्ही बघितला असेल तर लगेचच त्याचा गोंडस चेहरा डोळ्यासमोर येईल. पण बर्‍याच जणांना माहीत नसेल की पुण्यातील भारती विद्यापिठात ‘फाईन आर्ट’च शिक्षण घेत असताना बकुळ चा ह्दयविकाराच्या तिव्र झटक्याने 2002 साली अकस्मात मृत्यु झाला. आज बकुळ असता तर तो नक्की काय करत असता माहित नाही, पण आपण एक चांगला ‘कलाकार’ गमविला याच दु:ख मात्र नक्कीच राहील. #memorablefilm #marathimovie #childactor