नियोजन

मागील काही आठवड्यात एकाच दिवशी अनेक मराठी चित्रपट प्रदर्शित झाले. सैराट सारखा धुवाधार कमाई करणारा चित्रपट 2 महिन्यानंतर ही रसिकांनी गर्दी खेचत असताना, तुलनेने कमी प्रमोशन झालेले हे सर्व चित्रपट तग धरून राहणे निव्वळ कठीणच होते. निःसंशय यातील बरेच चित्रपट नवनवीन विषय व सकस कथानकावर आधारित होते. परंतु नियोजनाअभावी एकाच दिवशी धडाधड चित्रपट प्रदर्शित करण्याचा परिणाम जो अपेक्षित होता तोच झाला. बरेच वेळा काही तांत्रिक कारणांमुळे चित्रपट प्रेक्षकांपर्यंत पोहोचत नाही. आणि सध्याच्या या परिस्थितीत एकाच वेळी अनेक चित्रपटांचे पर्याय उपलब्ध असताना मर्यादित वेळ, मल्टिप्लेक्स थेटर मधील कमी शो, तिकीटांचे अवाजवी दर, कमी प्रमोशन झाल्यामुळे प्रेक्षकांच्या मनातील साशंकता इत्यादी कारणांमुळे प्रेक्षक चित्रपटगृहापर्यंत पोहोचत नाही. या सर्व बाबींचा विचार करून चित्रपट प्रदर्शनाचे नियोजन केले तर 'प्रेक्षकांनी मराठी चित्रपटाकडे पाठ फिरवली' असे म्हणण्याची वेळ येणार नाही

चित्रपट प्रदर्शना बद्दल काही. ..

मागील काही आठवड्यात एकाच दिवशी अनेक मराठी चित्रपट प्रदर्शित झाले. सैराट सारखा धुवाधार कमाई करणारा चित्रपट 2 महिन्यानंतर ही रसिकांनी गर्दी खेचत असताना, त्या तुलनेने कमी प्रमोशन झालेले हे सर्व चित्रपट तग धरून राहणे निव्वळ कठीणच होते. निःसंशय यातील बरेच चित्रपट नवनवीन विषय व सकस कथानकावर आधारित होते. परंतु नियोजनाअभावी धडाधड चित्रपट प्रदर्शित करण्याचा परिणाम जो अपेक्षित होता तोच झाला.  बरेच वेळा काही तांत्रिक कारणांमुळे चित्रपट प्रेक्षकांपर्यंत पोहोचत नाही. आणि सध्याच्या या परिस्थितीत एकाच वेळी अनेक चित्रपटांचे पर्याय उपलब्ध असताना मर्यादित वेळ, तिकीटांचे अवाजवी दर, कमी प्रमोशन झाल्यामुळे प्रेक्षकांच्या मनातील साशंकता इत्यादी कारणांमुळे प्रेक्षक चित्रपटगृहापर्यंत पोहोचत नाही. या सर्व बाबींचा विचार करून चित्रपट प्रदर्शनाचे नियोजन केले तर 'प्रेक्षकांनी मराठी चित्रपटाकडे पाठ फिरवली' असे म्हणण्याची वेळ येणार नाही

#कबाली

आजचा दिवस #Kabali Day होता असे म्हणायला हरकत नाही. 'रजनीकांत'सरांच्या जोक्सना परत एकदा महापुर आला. आपल्यापैकी प्रत्येकाच्या मनात दिवसभर "बघा, तिकडे चेन्नई, बेंगलोरच्या लोकांना बरी पिक्चर बघायला सुट्टी मिळाली" असा विचार राहून राहून येत होता. मुंबईत सरांच्या पोस्टर्सना तर दुग्धाभिषेक करण्यात आला आणि चेन्नईत त्यांच्या प्रतिमेची पूजा करण्यात आली असेही वाचण्यात आले. पुढचे काही दिवस अशा अनेक थक्क करण्याऱ्या, अचंबित व्हायला लावणाऱ्या नवनवीन #Kabali बद्दलच्या सुरस गोष्टी आपल्याला ऐकू येत राहतील. परंतु बातम्या मधील शो हाऊसफुल्लच्या गोष्टी ऐकताना, थेटर समोरील लोकांचा पहाटे 3 पासून ढोलताशांसह सुरु असणारे सेलिब्रेशन पाहताना एक गोष्ट प्रकर्षाने दिसून आली की गरीब-श्रीमंत, हिंदू-मुसलमान, असंख्य जातीजमाती मधील लोक एकाच कारणासाठी एकत्र येऊन एक होऊन हा #Kabali नावाचा नवीन सण जल्लोषात साजरा करत आहेत 'हेही अर्थातच नसे थोडके' - प्रज्ञा