मोलाचा आशिर्वाद

आज चालता चालता लेकीने एका अनोळखी वयस्कर बाईला 'आssssज्ज्जी' अशी हाक मारली. तिने वळून पाहिलं. अचानक अशी हाक ऐकुन तिला झालेला आनंद तिच्या नजरेत दिसत होता. थांबुन तिने फक्त लेकीच्या डोक्यावर हात फिरवला आणि पुढे निघून गेली. मग परत एकदा जाणवलं की ज्यांच्या पुढे वाकता येईल, ज्यांच्या थरथरत्या हातांचा, मायेचा, आशिर्वादपर स्पर्श मस्तकाला होईल अशी वडीलधारी माणसं आयुष्यात असणं ही प्रत्येकाच्याच बाबतीत किती भाग्याची गोष्ट आहे! - प्रज्ञा